Hadien wa yoh ya ka yutip wa tikna, ki pulit ka Phramer Traffic Cell ynne heipor 11:30 i sngi da yang-khap ki ya kawi ka truck wa em No. AS 25 EC 3411 wei da kynreh bha ya ka wow tip ya ki mar wa kit ko.
Heipor wa kynreh da chem hadooh 37 song u bhang wa khia 422.15 kilo ya uwa da song bha wei da kli da i salutape.
Kani ka Truck toh kawa wan na Silchar wei kawa thmu wow lai cha Guwahati.
Neiliang ki pulit da kem ki ya ki 3 ngut wow pynman ya ka takit wei da pynngat ya ki hapoh ki kyndon ka NDPS Act.
