Ka sorkar pyrdi lyngba ka Ministry of Health And Family Welfare ynnin ka 7 tarik da thoh ko wow chna ya ki le jait ki thaw sumaar namo ki Three Tier Health Infrastructure wow yakhun pyrchah ya ka khlam COVID-19.
Kiwa nyngkong dooh toh ki COVID Care Center (CCC) ka wow e sumaar ya kiwa kjut malum malæ wei ya kini da chna ha ki Hostel, Hotel, School, Stadium wa kiwi kiwi ki thaw paidbah wa ki yong ki bru samen. Ki Hospital, ki CHC kiwa pait ya ki wym toh kiwa yoh COVID-19, ye ki u e sumaar ya kiwa yoh COVID-19 lada ym em laad de da iwi.
Ka Dedicated COVID Health Centre (DCHC) toh wow e sumaar ya kiwa chitom tangwa ymtoh kiwa joor i chitom (Clinically Assigned as Moderate) wei kini ye wow pynman ya waroh kawi ka Hospital lane deiwa booh chi bhah namo ka Block yong ka Hospital kiwa em jar jiar i thaw psiah wa i thaw mih. Ki Private Hospital leh ye ki wow man kam ki COVID Dedicated Health Centre heiwa u em ki ya ki pyllong wa ka la’ær Oxygen.
Ka Dedicated COVID Hospital (DCH) toh wow e sumaar ya ki bru kiwa rap chitom joor næ ware (Clinically assigned as severe). Kini ki Hospital ye wow man waroh kawi lane deiwa booh da ka Block yong ka Hospital ka wow em jar jiar ki thaw psiah wa thaw mih. Ya ki Private Hospital leh ye wow pynman kam ki COVID Dedicated Hospital heiwa u em ki ya ki ICU wa pura, ki Ventilator wa ki pyllong kamjooh ka la’ær Oxygen.
