Kam chibynta i pynbna ka sorkar ynne yei yow pteiñ biang ya ka Lockdown ha East Khasi Hills nadooh 5:00 waje i step ka 10-05-21 hadooh 5:00 waje i step ka 17-05-21deiwa pteiñ leh u khang yei lai i wan ki bru cha East Khasi Hills, da pynbna leh wa daw pteiñ biang ya ka Weekend Lockdown ha ki 10 tylli ki District ka jylla.
Neibynta ka East Khasi Hills
Hadooh ka wa pynbna da kamwi, chah hi wow wai ki Bank, ki Post Office tangwa deiwa em du chiteiñ ki wakreh. Waroh won ki yung krehkaam ka sorkar pyrdi wa ki yong ka sorkar jylla u man ki kiwa khang lait noh kitu kiwa da yoh bor wow wai.
Ki wakreh ka sorkar pyrdi, sorkar jylla ym toh wow em ki palat 30% ki Group B, Group C wa Group D.
Ym em khang ya kiwa leh ya ka e-Commerce wa Home Delivery deiwa pynbait da ka DC ka East Khasi Hills, District.
Ki Restaurant, ki Café wa kiwa leh ya i Food Delivery u chah wow leh du ya ka Home Delivery deiwa pynbait ka DC, East Khasi Hills District.
Ki bia kiwa da dep yoh bor chwa, u chah hi u pynman ya ki deiwa em du para chi yung wei ym toh u em palat 15 ngut. Ym e bor de ya kiwa paan ha ini i por wa em ka Lockdown.
Ki yalang yap bru toh u em du 15 ngut donhi deiwa yoh bor na ka Deputy Commissioner.
Neibynta kiwi ki District ka jylla
U pynkrehkaam biang ya ka Weekend Lockdown ha ki 10 tylli ki District nadooh 5:00 waje i step ka 15-05-21 hadooh 5:00 waje i step ka 17-05-21.
Neibynta waroh kawi ka jylla
Da khang wow lai cha kiwi ki jylla tangwa ym em khang yei lai i wan ki kari wa lai luti cha Assam/Tripura/Manipur/Mizoram.
Ki Exam ka MBOSE kiwa da booh wow pynman ha ka 11 wa 12 tarik uni u bnai da man kiwa da pyndam chwa chipor hadooh wa da pynmih hukum da kamwi.
Ki marbaam wa emkaam wa kiwi de, ye wow yoh na ki dukan wa em ha ki jar jiar ki dong deiwa kyntu ya kiwa chong chnong wow neh ki ha ki jar jiar ki dong yow ye u khang yei poor ka khlam COVID-19.
Ya ki kaam wa da chah u leh, hap wow bood thij katkam ki kyndon wa da booh da ka chnat Health & Family Welfare Department ka sorkar Meghalaya.