U Montri wa pait ya ka chnat i chait i khiah ka jylla, u AL Hek ynne ka sngi da kubur u wa i poor ka khlam kjut COVID-19 da joor ko ha kylleiñ ki chnong khamtam ha ki thaw palat-sor hanla hadooh katni ympu rai wow pynkrehkaam ya ki kyndon wow khang-sbak wa pura næ ka Total Lockdown hapoh ka jylla.
Ka sorkar nadooh uni u bnai da pynkhor biang ko ya ki kyndon hei wow khih u kreh ki paidbah ha waroh kawi ka jylla deiwa pynkrehkaam ya ka ‘Containment Measure’ wei i khoom i kdoh da pynkhor bha khamtam ha ki bynta ka East Khasi Hills, tangwa da sakhi yei poor wei dang boon kiwa dang chah ktah ha kani ka khlam kjut kat dang mih ki sngi heiwa da em palat 400 ngut kiwa dang yoh ya kani ka khlam kjut du ynne ka sngi donhi.
Hawa yaklam wa u Hek ynne ka sngi, da kyntait u yei em i leh pyrchah ki paidbah ya i khang i khoom i kdoh ka sorkar deiwa ong wa i ku kiwa yoh ya uni u khñiang toh kiwa da em chwa ya oo wei ha ki sngi wow wan daw sdang duna wei hiar biang kiwa yabi ya uni u khñiang.
Chooh chooh da ong u wa i pynkrehkaam ya ka Lockdown da sakhi wa duna bha ki paidbah wa mih wa lai hanla em i lait heitu heini.
