U District Magistrate ka West Jaiñtia Hills District kam chibynta wow yada nei poor ka khlam COVID-19 hapoh ka District, da pynmih u ya ka hukum wow kdoh u khoom namo ki Containment Measures hapoh waroh kawi ka District nadooh ka 5:00 waje i step ka 13-05-021 hadooh 5:00 waje i step ka 22-05-21.
Neibynta waroh kawi ka District
Ym chah wow pynman ya kiwon kiwon ki jait yalang paidbah hadooh ki kaam e sikai namo ki Training.
Waroh ki thaw maneblai u man ki kiwa khang lait noh hawa pynkyntang bia deiwa em du 20 ngut ki bru deiwa yoh bor chwa na u DC lane u SDO ka Amlarem.
Lada em kiwa yap, u chah du 20 ngut ki bru heiwa ka yung wa em wa khlaad hap ki wow booh ya ka Register yow chim yei pyrtuid, thaw sah, mobile number wa katwon ngut ki bru wa wan.
Ym chah yei wan psiah kiwa uiñke suwari kiwa na baar ka jylla wei waroh ki thaw uiñke suwari u man ki kiwa khang.
Waroh ki khayi khappood ha Tamabil u man ki kiwa da pynsangeh.
Ym chah wow pynman ya ki yalehke Sports, ym chah leh wow pynman ya ki yaw wa chisien chitayaw.
Ki kari wa kit ya ki jhoor dai Wholesale ym chah wow psiah ki cha Jowai, kini toh u lai pynhiar ki ya i mar yong ki cha Ialong Lay-By Market.
Ki Dhaba, ki Restaurant wa kiwi ki thaw baam wa em harood u sarok NH-06 u man ki kiwa khang.
Ki Dorbar Chnong wa ki School Managing Committee kiwa em cha palat sor deiwa ya syllok chwa wa ka chnat i chait i khiah, da e bor ya ki wow khang ya ki skur lada emkaam deiwa pyntip leh cha ka District School Education Officer, West Jaiñtia Hills wa cha u DC.
Ym chah wow lai cha kiwi ki jylla tangwa ym em khang ya ki kari wa lai luti cha Assam/Tripura/Manipur/Mizoram. Ym chah wow pynyieñ kari ha ki chnong wa em ki bru ha tymbud u NH-06 kiwa haap hapoh ka West Jaiñtia Hills District.
Da pynchlur ya ki Dorbar Chnong wow sdang ki da ki jar jiar ki yaw wa khian ha ki jar jiar ki dong deiwa bood ya ki kyndon yada COVID-19.
Ki kari kamai toh u kit bru ki 50% donhi wei hap wow deiñ ya ki Mask, ya kiwa leh pyrchah daw pynchitom katkam ka aiñ.
Lada emkaam jhan wow lai neibynta i chait i khiah, i kit na kawi ka District cha kawi ya ki mar wa emkaam, ye wow yaleh da ka ‘EPASS’ lyngba ka website www.megedistrict.gov.in.
Neibynta ka chnong Jowai wa ka chnong Mihmyntdu
Ki kaam wa chah:
Ki dukan wa dai ya ki mar wa emkaam u wai ki Monday, Wednesday wa Friday nadooh 9:00 waje i step hadooh 4:00 waje i janmiet. Ki waheh chnong daw pynbait ki da ki Odd/Even Number yei rukom wai ki dukan.
Ki dukan wa dai ya ki mar Hardware, Electrical, Plumbing & Sanitary Ware, ki thaw chna Computer, ki thaw chna Mobile wa ki thaw chna kari, u chah u wai ki haka Tuesday wa Thursday nadooh 9:00 waje i step hadooh 4:00 waje i janmiet. Ya kini leh daw chah u wai ki da ka Odd/Even Number.
Ki Bank wa ki Post Office u man ki kiwa wai, ki yung krehkaam sorkar toh katkam wa da dep pynbna ini wa dep.
Ym em khang yei lai i wan kiwa ye u pynsakhiat kiwa yatoh waka sumaar sukhær, i lai chim dawai tika, ka rep ka riang hadooh ki kaam wa yatoh wa ki mrad wa ri wa psan, i kit ya ki mar wa emkaam, i lai i wan kiwa yaleh Exam, kiwa sikai wa kiwi kiwa embynta hei pynman Exam.
Ym em khang leh ya ki kari wa kit mar, ki E-Commerce, kiwa kit ya ki dawai dachin, kiwa leh Home Delivery, ki laad pathai khubor wa ki bru wakreh hei chna yung wa kiwi ki jait kaam kiwa kam kini ki jait.
Ym em khang yei lai i wan ki bru wa leh ya ki kaam wym hoi u dam nadooh ki wakreh heiyatoh wa u COVID-19, ki pulit, ki chipai, ki Home Guard, ki pulit tympleh diñ, ki wakreh hei pynpoi bordiñ (NEEPCO, MeECL, Powergrid wa kiwi kiwi), ki wakreh PHE, PWD, NHAI, NHIDCL, Municipal Food Corporation of India, DIPR, Bank, Post Office wa Telecommunication.
Ki kaam wym chah:
Ka Iawthymme/Iawmusiang Pohyaw/Iaw Chor (CNI Market)/Iaw Seinraij/Iaw Chyiap (JPC Market) u man ki kiwa khang.
Waroh ki thaw puræ u man ki kiwa khang.
Waroh ki thaw maneblai u man ki kiwa khang lait noh hawa pynkyntang bia deiwa em du 20 ngut ki bru deiwa yoh bor chwa na u DC.
Ki yung krehkaam yong ki bru samen u man ki kiwa khang lait noh kitu kiwa leh ya ki kaam ki wym hoi u dam.
Ki yung krehkaam ka sorkar pyrdi kiwa ym toh kiwa emkaam ware, ye ki wow khang wei wow kreh na yung.
Ki kari kamai u kit ki du 25% donhi ki bru wei ye hi leh wow pynemkaam yow lai ya ki kaam wa chah, i rukom lai kari man ki kamni ha wah:
I lai na kawi ka District cha kawi, i lai hapoh ka District, i lai na wa cha Shillong, Jowai wa Tura wa kiwon kiwon ki thaw wa da pynbna Containment Area toh kiwa da khang.
Da kyrpaad leh wa ym toh wow wan cha Jowai lait noh wa ym hoi de u dam, wow neh ha yung, wei u mih du lada emkaam donhi.
Ya kiwa leh pyrchah daw pynchitom katkam ka aiñ.
