Ynne ka sngi ka sorkar Meghalaya hadien wa pynman ya ka yalang wow booddien yei long i man ka khlam COVID-19 hapoh ka jylla, da rai wow pteiñ ya ka Lockdown ha East Khasi Hills hadooh ka 24 tarik uni u bnai (May) kawa katni da em chwa haka Lockdown nadooh ka 5 tarik uni u bnai kawa da pynteiñ la arsien wa iwa katni kawa toh u kut haka 17 tarik uni u bnai.
Ya kani ka rai da chim leh neidaw wa na ki 18 ngut kiwa dang yap na u COVID-19 ynne ka sngi, 16 ngut toh ha East Khasi Hills, wei du ha East Khasi Hills da em 2121 ngut kiwa dang chah ktah ha uni u khñiang na waroh ki 3,726 ngut. Waroh kiwa dang yoh COVID-19 ynne ka sngi ha ka jylla da em ki 591 ngut iwa man leh i sien wa nyngkong wa em palat 500 ngut kiwa yoh ya uni u khñiang ha ka chi sngi.
Neibynta kiwi ki District, da e bor ha ki jar jiar ki DC wow chim ki ya ki rai wa emkaam.
Da pyntip leh wa daw sdang da ki Community Isolation Centre ha waroh ki District kamjooh hapoh ki chnong ki thaw iwa chong katkam i long i man kiwa daw man kam ki thaw wow booh ya kiwa yoh COVID-19 kiwa haap hapoh ka Category A wa B kiwa chitom malu mala.
Ya ki kyndon wa bniah yong kani ka Lockdown daw pyntip ka sorkar chibet.
