Ka seiñ KSU Khliehriat Circle, Wapung Unit, Khliehriat Town Unit wa ka Lad Rymbai Unit, ynne ka sngi da hiar ki cha ka CHC Khliehriat yow pait yei pynkhreh wow yaleh pyrchah ya ka khlam COVID-19 heiwa da yachem wa u Dr. Shylla, DM&HO.
Neiliang u DM&HO da khana u wa kani ka CHC man ko kawa biang ki tiar nadooh ki dawai tika, Oxygen wa kiwi kiwi wa emkaam wei da man ko kawa da pynkhreh bha neibynta ki bru wa yoh ya khñiang khlam COVID-19.
U DM&HO da kyrpaad u ya ki paidbah wow wan chim ki yei dawai tika neidaw wa duna bha ki bru wa wan chim ya i tika.
Katkam i khana u Dr. Shylla, da ong u wa ha kani ka CHC da sumaar ya kiwa yoh COVID-19 neibynta kiwa haap hapoh ka Category A,B wa C katwa kiwa haap hapoh ka Category D ym ye wow sumaar neidaw wym biang i em ki ICU wow e sumaar.
Ka seiñ da ong ko wa i daw wa lai pait ya man ki CHC, PHC lane Sub Centre toh yow chem lada em i duna yow ye u e yutip cha ka sorkar lane cha ka chnat i chait i khiah.
Neiliang ka seiñ heijooh i por e khublei ko ya ki Nurse, ki Doctor kiwa da kreh chitom miet wa sngi neibynta wow yaleh pyrchah ya ka khlam COVID-19.