Ka jylla Meghalaya daw pynman ko yei ngooh Blai wa kyrpang ha ka 30 tarik uni u bnai neibynta kiwa chitom wa kiwa da khlaad noh na kani ka khlam COVID-19 wei kamjooh leh neibynta i chait i tram ka jylla waroh kawi.
U Montri wa pait ya i chait i khiah, u Alexander Laloo Hek da pyntip u wa ini i ngooh Blai wa kyrpang ha ka jylla daw pynman ha ka sngi Bibar ka 30 tarik heipor 12:00 waje i pyrdi sngi thij.
Da kyntu u ya ki paidbah wa chong chnong ka jylla wow chimbynta ki ha kani ka ngooh Blai wa kyrpang na jar jiar ki thaw kiwa em ki wa na ki yung wei ymphær la ha iwon iwon i ngait.
