15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

I khana na uwi uwa chah ktah ha u COVID-19 yei chem yong oo

U Wanthmu Phawa uwa chong wa sah ha Tuber Kmaichnong, East Jaiñtia Hills uwa katni da yoh wow mih na Hospital hadien wa yoh u ya u khñiang khlam COVID-19, da kyntu u ya ki paidbah wa ym toh wow kheiñstiñ ya uni u khñiang hadien wa oo da maad u hadooh katwon ktah u ya oo deiwa da hap sah Hospital u 12-13 sngi deiwa emkaam ya ka la-ær Oxygen kamwa 8-9 sngi.

Ha i Video wa da booh u ha Facebook, u Wanthmu da ong u wa katni da em u ha Tuber Tahkhniang ha i thaw wa da pynkhreh kyrpang da ka Tuber Kmaichnong wow sah u 10 sngi katkam wa phah ki Doctor.

Ka khubor wa kwah u phah cha waroh ka Bri u Ynñiawtrep Ynñiawskum kamjooh cha waroh kiwa em hapoh ka jylla toh wa ym em kwah u ya kiwi wow yoh ki ya kam ini i jait kjut wa oo da maad u neidaw wa oo leh nachwa ym em chaniah u ya ka tangwa katni da chem u wa uni u COVID-19 toh uwa sakhiat uwa ye u chim yei mynsien bru heiwa kiwa thiah hajan wa oo hapoh Hospital da boon wa khlaad ki wei da e ngooh u ya u Blai wa dang e laad u ya oo wow im u.

U Wanthmu da khana u wa hanla kattæ da yoh u wow mih Hospital, dang sñiaw hi u wa duna ka la-ær u, kamtæ da kyntu ya kiwi wym toh u kheiñstiñ ya uni u khñiang neibhah toh uwa ye u pynyap ya i. Heiwa heipor wa dang em u hapoh Hospital, sñiaw u wa i mynsien yong oo da em i ha kyndian wei deiwa yarap ki Doctor, ki Nurse wow pynyoh Oxygen da sdang u wow yoh bor.

Kamtæ da kyntu u ya ki lok, ki jor wow sñiawbha wow sumaar bha ya idæ deiwa deiñ ya ki Mask hawa lai wa yieñ, wow sait ya ki kti wei wow siat dawai yow lait na uni u khñiang.

Da ong leh wa kattæ hanla da yoh u wow mih Hospital, dang em ki por wa sñiaw duna la-ær u wei em ki por kylla thang yong i sniehdoh u.

Da e khublei u leh ya waroh ki lok ki jor kiwa da duwai wei e mynsien ya oo ha kam kini ki por.

Ya ini i klam u Wanthmu Phawa yei wow pait heini ha wah:

Share this:
Previous

Wanrah u CEM ka GHADC da ki wakreh yong oo hi

Next

Daw pynman da ka ngooh Blai wa kyrpang neibynta kiwa chah ktah ha ka khlam