Hadien wa ini wa dep wa ka KSU da e yarap ko cha ka Dr. H. Gordon Robert Hospital da ki Oxygen Cylinder, ki PPE wa ka song piosa, ynne ka sngi won ka seiñ hapoh i yahkhmat u President Rangbah yong ka u Lambokstarwell Marngar, da yoh wow e yarap biang sa san tylli ki tadong la-ær Oxygen, ki PPE wa ka song poisa cha ka Nazareth Hospital, Shillong.
Ini i pteiñ ka KSU wow e yarap cha ki Hospital man ko kam chibynta wow yarap e bor, e mynsien wei wow yarap kynrong lang ya ka yukit yong ki Hospital neidaw wa joor i chah ktah ha ka khlam COVID-19.
Ka Khasi Students Union da kitbok kitwriang ko ya ki para ri wow yoh ki ya i doh i pran wa chait wa khiah wa lyngba ki Doctor, ki Nurse wa ki wakreh yong ki Hospital kiwa da ekti doh wa mynsien yow pyndap pynbiang wei wow yarap ya kiwa kjut wa chitom. U man ko leh i kyrkhu lyngba i mynsien chlur yong ki wot ha ini i eh wa i chem chitom wa yachem ki.
