Hadien wa yasang dang du chi pateiñ yasuk ki ar kur ynne ka sngi

Jowai : Katkam wa man na wa rim wa jah ym du ha kani ka juk katni ki kur ki jait kamjooh ki janyung jansem jooh mih i yasang ya maa du naki daw wa khian.

Ha kani ka juk ini i yasang ya maa ktah ko ym du ha i yatoh lok toh jor tangwa wat hadooh i chongkha chongman wei boon kylli ki ya ka nongrim wa em ka yasang ya maa wei kammon u man iwi don yow yahoi yow yasuk noh ki arliang.

Ha kani kynti ynne ka janmiet ka Dorbar Niam ki khon kiwa ngait ya ka Niamtre ha Kdoh Hati, Dulong da pynyasuk ko ya ki ar kur kiwa da yasang kattu dang du chi pateiñ.

Ini i pynyasuk ya ki ar kur da leh deiwa yadood khoo ha pyrdi ka kur Challam wa ka kur Laloo.

Related posts

Nadooh i chna mot sahnaam ya ki khlawait ka kur hadooh i yait nei pynklla kur da yaklam ha ka yachemlang ka Kur Iawchibidi  

March 1, 2026

Phooh phieñ wei chongkun ka Lehniam Pastieh wa Chaad Niamtre ka Raij Raliang

February 13, 2026

Da yahkhmat da u Dolloi (Acting) ka Elaka Jowai u ma Puramon Kynjiñ uwa da e ngooh e dem heiwow yasuk noh ki pyn ar ki kur hapoh ka Elaka.

Da kam wa i yasang da chim yei rai du neidaw ki kaam wa khian wei boon ha kani ka juk kiwa yooluti wow yasuk noh kattu daw leh deiwa yarap ka Dorbar Niam neibynta i bha i miat ka imlang sahlang.