Jowai : Hadien wa da pynmih khubor i ha u Wyrta wa ong wa tyngkheiñ ka JHADC pyn ya ka aiñ wa chna ko hei yatoh wow jied Dolloi ha ki le Elaka hapoh ri-loom Jaiñtia, neiliang u CEM ka JHADC u ma Thombor Shiwat da kubur u yeini wei da ong u leh wa daw pyndep noh yeini pyn hapoh uni u snem.
U ma Shiwat da ong u i daw wa slem u pynman yei jied Dolloi toh wym em poisa ka Council weiwa daw duk u bhah ya ki pyrtuid kiwa thap vote (Enumeration).
Ya ka jied Dolloi u pynman ha ki le tylli ki Elaka kiwa kynthup ya ka Elaka Jowai, Elaka Changpung wa ka Elaka Muskut.
Ya ka jied Dolloi ha ka Elaka Mynso won ympu em u pyrkhat neibhah dang ha ka 8 Naiynñiaw uni u snem wa khlad u Dolloi ka elaka u ma Risein Pan.
Katkam ka aiñ “The Jaintia Hills Autonomous District Council (Establishment of Elaka and Village and Election, Appointment, Powers, Function and Jurisdiction of Dolloi/Sirdar and Waheh Shnong) Act, 2015” ha ka Section 14 (1) wa ka (2) da ong wa lada thung ya u Acting Dolloi emkaam u pyman election hapoh 6 bnai wei ym hoi u palat ya ka 9 bnai.
Read Also : Tyngkheiñ ka JHADC pyn ya ka aiñ wa chna ko
Discussion about this post