Ynne ka 7 tarik ka KSU Wapung Unit hapoh i yahkhmat u President, u Deiniwan Lyngdoh, General Secretary u Shwary Ryngkhlem wa u President ka NEHU KSU Unit u Pynshai Kupar Dkhar wa kiwi kiwi da saam ki da ki Mask wa PPE mar ar yusong ha ka PHC Pamra Paithlu, ha u waheh chnong ka Wapungskur wa u waheh chnong ka Wapung Chnong wei da saam leh cha ki seiñ niam kam chibynta wow yada nei poor ka khlam COVID-19.
Neiliang ka KSU Wapung Unit da ong ko wa smat ko wow embynta wa ki Dorbar Chnong wa ka PHC lada emkaam yarap ki hei yakhun pyrchah ya kani ka khlam.
Ka seiñ da ekhublei ko leh ya ki Doctor ka Pamra PHC wa ya u Doctor In-charge, Dr. K. War wa ya ki Nurse wa ki wakreh ka PHC hei yakhun pyrchah ya kani ka khlam.
Kani toh katkam ka wyrta na u Publicity Secretary ka KSU Wapung Unit u Shibaitlang Rymbai.
