I thmu wow e wai ya ka MeEPDCL toh i buit wow myntoi ki Private Company: JSU

Ka JSU da thoh ko cha u Chairman Cum Managing Director ka MeECL,yow pynsñiaw ko yei pyrchah joor ya i thmu wow e wai ya ki Distribution Circle ka chnat bordiñ kiwa kynthup ya ka Shillong Central Distribution Circle wa ka Eastern Distribution Circle kiwa man 25% ka bynta ki chnat krehkaam ka MePDCL cha ka RECPDCL neibynta ka samoi kawa 25 snem neibhah wa kini ki ar tylli ki Circle man ki kiwa rap yohnong bar ya kiwi ki Circle ha ka jylla.

U General Secretary ka JSU, u Treiborlang Suchen da kylli u wa lada ki thaw wa yohnong tam ka MeEPDCL da e wai ya ki cha ki Franchise kammon won ka chnat bordiñ u su ko ya i lut i sep wa ka tulop ki wakreh ka MeECL?

Ka seiñ da kylli ko wa lada thap ya ka kyndon “Budgetary Support” tang ya ka Meghalaya heipor wa chim ya ka ram Atmanirbhar Abhiyan.

Da ong ko wa lyngba kani ka kyndon “Budgetary Support” wa da e bor ya ka REC wow chim wai ya kini ki Circle ka MeEPDCL. Ka sorkar pyrdi da e ko ya ka ram cha waroh ki chnat wa saam bordiñ (Distribution Companies) khnang wow ye ki u su chwa ya ki ram na ki Company wa thied bordiñ ki (Generating Companies) wei wa da booh kyndon leh wa toh u em ki rukom kreh (Plan) wow pynduna ya i doohnong kawa tip kam ki Aggregate Technical & Commercial (AT&C) Loss.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

“Ka sorkar toh u pyrkhat ko wow pynduna chwa ya i doohnong (AT&C Loss) ha ki thaw wa haap hapoh ka East wa West Garo Circle chwa wow chim ya kani ka ram neibhah wa toh na kini ki thaw wa joor bha i doohnong iwa da wanrah chiboon i doohnong ya ka chnat pynmih poisa ka MePDCL wei i thap ya ka “Budgetary Support” da e bor wow e wai ya ki Circle toh iwa ym emkaam tangwa toh du i buit wow lilam lut ya ka MeECL cha ka REC,” da ong ka JSU.

Ka aiñ da ong ko leh wa hajrong wa hap su chiboon ka sut na kani ka ram, i thmu wow e wai ya kini ki Circle cha ka REC toh i buit kiwa em ha i bor wow yarap u myntoi ki Private Company namo ki karkhana ki bru samen wow tooh ya ka lap ka MeECL.

Ka JSU da sñiaw ko wa ya ini da leh jhan khnang ha kini ki por wa em ka khlam khnang wow yoh u chim kabu khlem phyllu yumut ha yung dorbar chna aiñ.

Chooh chooh ka seiñ da ong ko wa yieñ skem ko wow pyrchah joor ya ini i leh buit-tooh wa i thmu wow chim kabu ki bor wa pait ya ka MeECL hajrong wa da em i khalær hapoh ka MeECL.