Kawi na ki seiñ wa kreh mon sñiawbha ha Ri-loom Jaiñtia, ka Society for Urban and Rural Empowerment (SURE) ynne ka sngi chirup wa ka seiñ Thma U Rangli-Juki (TUR) da sdang ko ya ka People’s Oxy Bank ha Jowai.
Kani ka Oxy Bank toh neibynta ki bru kiwa chah ktah ha u COVID-19 heiwa daw e yarap ya ki da ki kor Oximeter wow kheiñ ki ya ka Oxygen wa em ha i doh i pran ki bru khamtam kiwa chah ktah ha ka khlam wei kiwa da phah chong khop ha yung (Home Isolation).
Ya kini ki Oximeter ye wow chim kylliang namo wow pynemkaam chipor wei hadien won wow pynuiñ cha ka SURE wa ka TUR wei ya kini ki kor ye u pynemkaam du heipor wa dang em ha yung donhi neibhah wa manda duna i em ka la’ær Oxygen emkaam wow yaklam wa ki Doctor næ wow lai cha ki thaw sumaar.
Neiliang ka SURE da ong ko wa ki bru wa emkaam ya ki Oximeter ye ki wow yoh chim salan ya ki deiwa pynbiang ya ki kot ki sla wa pynsakhiat yei mantre kam ki ID, ki thaw sah wa kiwi kiwi deiwa Phone ha kini ki Number katkam i thaw, heiwa ha Iawmusiang (M) 9436106317 ha Ladthalaboh (M) 9863918149.
Neiliang u Secretary ka SURE, u Rev. HH Mojhrmen da ong u wa ini i e yarap ya ki Oximeter ym emkaam u su iwon iwon iwon i dor tangwa emkaam wow pynuiñ ki bru ya kini ki kor.
