15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

I duna ki Doctor Specialist toh ha ka jylla hi waroh kawi: Conrad

Kat dang mih ki sngi ki bru wa chah ktah ha ka khlam COVID-19 dang pteiñ i ha ki ar District ka Ri-loom Jaiñtia heiwa boonsien ki bru da lai chah sumaar noh ki cha Shillong neidaw wa biang ki Hospital wa kamjooh leh ki bru chemphang namo ki Doctor Specialist ha ka Shillong bar ha Jowai wa Khliehriat.

Ini da wanrah i leh chiboon i khia ka lyngkor ha ki thaw sumaar ha Shillong heiwa ka sorkar jylla da thooh ko ya ki laad kammon wow pynduna ya ki bru wa lai phah sumaar cha Shillong deiwa yaleh u pynkhlan ya ki thaw sumaar pyn hapoh Ri-loom Jaiñtia. 

Ynne ka sngi hawa kylli na u montri rangbah ka jylla heiyatoh wa i duna ki Doctor Specialist ha Ri-loom Jaiñtia iwa da pynbor ya ki bru wow lai phah sumaar cha Shillong, neiliang u Conrad da ong u wa i duna ki Specialist man i ym du hapoh ki kattu katni ki thaw wa ki Disrict tangwa khamtam ha kylleiñ ka jylla. 

U Conrad da ong u wa ini i duna ki Doctor Specialist toh iwa da slem da ki boon snem wei ymye u pyndap yeini ha ka chi sngi, ki tayaw wa ki bnai. 

Chooh chooh da ong u wa da yaleh wow thung wut-wut ya ki bru (ha i chait i khiah) khamtam ki Doctor wa chemphang, deiwa pynrap leh wa katni emkaam wow yada ya ki mynsien bru wei lada chem wa emkaam wow phah (Refer) cha kiwi ki thaw sumaar cha Shillong ye ki neibhah wa biang ki bru ha ki thaw sumaar kam ha ki Private Hospital wa ka NEIGRIHMS. 

Share this:
Previous

Lada pynboon ya ki thaw leh RT-PCR duna won ki bru wa ye u pynemkaam ki: Conrad

Next

Chirup wa ka TUR sdang ka SURE ya ka People’s Oxy Bank ha Jowai