Ka seiñ Jaiñtia Student’s Movement (JSM) ha ka 14 tarik uni u bnai da lai e yarap ko da u khoo cha ki 30 tylli ki manyung ha ka chnong Musniang Rim heiwa ki paidbah da chem chitom ki ha kam ini i por wa ka sorkar da pynbna ko yei khangsbak.
Ha kani ka sngi da em ka yalang wa tbian wa pynlai da u Tyrshain Phawa, Secretary Musniang Rim Unit wei da yoh yei klam wa tbian na u Skhembhalang Dkhar, Vice President Central Body hei emlang u Lammi Syad, Working President CB wa u Waheh Chnong.
Ka seiñ da kyntu ko ya ki paidbah wa toh u deiñ ki ya ki Mask wei wow yajngai uwi ya uwi wei wow bood ryntih ya ka hukum yong ka sorkar khnang wow lait nei poor smat uni u khñiang khlam COVID-19.
