theme-sticky-logo-alt
theme-logo-alt
Advertisement ad1

COVID-19: Hiar kiwa dang yoh cha 60,471 ngut iwa duna dooh hadien 75 sngi ha India

Advertisement ad1

Kiwa dang yoh COVID-19 dang pteiñ ki wow duna katwa dang lai ki sngi hapoh India heiwa kiwa dang yoh ha kini ki 24 kynta toh iwa duna dooh hadien 75 sngi kiwa da neh leh hapoh 1 lak ngut la 8 sngi wei kiwa chait leh da boon ki ya kiwa dang yoh la 33 sngi.

Kiwa dang yoh ya uni u khñiang ha kini ki 24 kynta da em ki 60,471 ngut, kiwa dang chait da em ki 1,17,525 ngut, kiwa dang yap 2,726 ngut iwa mut wa kiwa dang em ya uni u khñiang da hiar ki da 59,780 ngut.

Ha kini ki 24 kynta da em du le tylli ki jylla wa boon da kiwa yoh ya kiwa dang chait wa kynthup ya ka Arunachal Pradesh wa boon da kiwa dang yoh 4 ngut, Mizoram 133 ngut wa ha West Bengal 1270 ngut.

Na ki 17,51,358 tylli ki Test wa da leh ynnin ka sngi, kiwa chah ktah da em ki 3.45% kawa tip leh kam ka Positivity Rate kawa da neh hapoh 5% la 8 sngi.

Waroh kiwa da chait da em ki 95.64% kiwa em 2,82,80,472 ngut, kiwa dang chah ktah da em ki 3.09% kiwa em 9,13,378 ngut, kiwa yap 1.28% kiwa em 3,77,031 ngut, deilang dapoi 2,95,70,881 ngut kiwa da dep yoh ya uni u khñiang hapoh ka ri.

Heiyatoh wa i e tika hapoh ka ri, da dep wow e la 25,90,44,072 sien heiwa ynnin ka sngi da e 39,27,154 sien.

Advertisement ad1
Share this:
Previous

Saam khoo ka RKM cha ki manyung ki 4 chnong ka East Jaiñtia Hills

Next

Da u khoo saam ka JSM cha ki 30 tylli ki manyung ka chnong Musniang Rim