U montri rangbah ka jylla, u Conrad K Sangma ynne ka sngi da ong u wa ka sorkar daw thung ko da ka takit wa laitlooid (Independent Enquiry Committee) hajrong i poi u khoo yong ka chnat Social Welfare Department cha Assam wei ya kani ka takit daw khlieh da u Judge wa da chong-ngiah.
Da ong u wa khnang wa i kaam u man i iwa khooid wei wow hun ki paidbah daw thung noh ya kani ka takit wei wow pyntikna wa ym em iwon iwon i kaam wa man pyrchah aiñ heiyatoh wa ini.
Heiyatoh won wa ki bru kiwa daw takit ya i chah pynbaad wa em i baamtooh hapoh ka Meghalaya Energy Corporation Limited (MeECL), neiliang u Conrad da ong u wa ya ki bru wow takit daw thung myntu i miet næ mynstep.
Da ban joor u leh deiwa ong wa ka takit toh u man ko kawa laitlooid kamtæ da jied da ki bru ki wym emyatoh wa ka sorkar jylla næ wa ka thaaiñ mihsngi.
U Conrad da ong u leh wa lada wanrah da ki bru kiwa da jooh kreh ha ka MeECL ha ki por wa dadep næ kiwa da kreh ha kiwi ki chnat daw em i artatien lada i takit man i iwa khooid wa iwa laitlooid.
