200 ngut ki LGBTQ wa ki bru wa em ya u khñiang HIV namo ki People Living with HIV (PLHIV) wa em ha Imphal, Manipur da yoh ki yei tika yada na u COVID-19 deiwa pynman ya ka e tika wa kyrpang (Special Vaccination Drive) neibynta kini iwa da pynman ynnin ka sngi Bibar.
Ya kani ka Special Vaccination Drive neibynta ki LGBTQ wa PLHIV da pynman da ka Ya_All deiwa ya krehlang waka yung krehkaam u DC ka Imphal East deiwa kyrchaan ka Youth LEAD, Bangkok, kawa da pynman ha SIRD Complex, Porompat, Imphal East DC Complex. Wei kani toh kawa da leh yow yoh ya i sien nyngkong ya i tika wei da em waroh 200 ngut ki LGBTQ wa PLHIV kiwa da yoh tika hadooh kani ka bynta wa ar namo ka 2nd Phase.
Kiwa pynman ya kani ka Vacconation Drive da ong ki da leh kyrpang ya kani neibynta ki LGBTQ wa PLHIV yow sñiaw chngaaiñ wei wow yoh yei yada na u COVID-19.
Da ong leh wa boon kini ki jaitbru rap khuslai ki wow wan chakhmat neidaw wa tieñ ki boi ya chah leh chilliang chah kyntait ha ki thaw e tika. Da pyntip leh wa ha ka bynta wa nyngkong da yoh tika 100 ngut.
Yow pynchlur ya kini ki bru wow wan chakhmat da e ya ki mar T. 1000 samen wei da pynbiang leh ya ki da ki kari yow li thooh wei li booh.
(Kani toh katkam ka khubor wa pynmih da ka www.ifp.co.in)
