theme-sticky-logo-alt
theme-logo-alt
Advertisement ad1

COVID-19: La 22 sngi neh kiwa dang yoh hapoh 50,000 ngut ha India

Kiwa dang yoh COVID-19 ha India da pteiñ ki wow duna wei da neh ki hapoh 50,000 ngut la 22 sngi heiwa kiwa dang yoh ha kini ki 24 kynta da em ki 38,164 ngut, kiwa dang chait da em ki 38,660 ngut, kiwa dang yap 499 ngut iwa mut wa kiwa dang em ya uni u khñiang da hiar ki da 995 ngut.

Ha kini ki 24 kynta da em 7 tylli ki jylla wa boon da kiwa dang yoh ya kiwa chait kiwa kynthup ya ka Dadra and Nagar Haveli and Daman and Diu wa boon da kiwa dang yoh 2 ngut, Kerala 262 ngut, Maharashtra 3064 ngut, Manipur 229 ngut, Mizoram 107 ngut, Nagaland 37 ngut wa ha Sikkim 52 ngut.

Ki jylla wa boon dooh kiwa dang chah ktah toh ha Kerala (1,25,535), Maharashtra (1,06,809), Karnataka (29,314), Tamil Nadu (27,897), Andhra Pradesh (24,708), Odisha (18,850), Assam (17,815), West Bengal (13,111) wa ha Telangana (9,824).

Ki jylla wa duna dooh wa em kiwa dang chah ktah toh ha Andaman & Nicobar Islands (16), Dadra and Nagar Haveli and Daman and Diu (18), Chandigarh (50), Lakshadweep (68), Ladakh (103), Madhya Pradesh (219), Jharkhand (327), Rajasthan (427), Gujarat (493), Delhi (592), Uttarakhand (623), Bihar (725) wa ha Haryana (817).

Ynnin ka sngi da leh 14,63,593 tylli ki Test heiwa kiwa chah ktah da em ki 2.61% kawa tip lem kam ka Positivity Rate kawa da neh hapoh 3% la 28 sngi.

Heiyatoh wa i e tika hapoh ka ri, da dep wow e la 40,64,81,493 sien heiwa ynnin ka sngi da e 13,63,123 sien.

Waroh kiwa da chait da em ki 97.32% kiwa em 3,03,08,456 ngut, kiwa dang chah ktah 1.35% kiwa em 4,21,665 ngut, kiwa yap 1.33% kiwa em 4,14,108 ngut, deilang dapoi 3,11,44,229 ngut kiwa da dep yoh ya uni u khñiang hapoh ka ri.

Advertisement ad1
Share this:
Previous

Sah sa 592 ngut kiwa dang chah ktah ha Delhi, 51 ngut kiwa dang yoh

Next

Da pynman ya ka e tika wa kyrpang neibynta ki LGBTQ ka Imphal