U Lambor Malngiang uwa man u MLA/MDC ka Nongkrem Constituency wa kam u Chairman ka State Planning Board ka sorkar jylla da ong u wa ym sñiaw yahaap u ya i e yumut wow yakylliang thaw ha i pynkhreh ka Meghalaya wa Assam wow pynbait noh ya u pood wei wa ki thaw ka jylla toh u neh bait ki ha ka jylla.
Da ong u wa da jan dap 50 snem wa yoh ya ka jylla tangwa neipor cheipor da kut du ha i yaklam wow pynbait ya u pood deiwa ngait skem wa ha kani ka kynti daw man kaam ko ryngkat wa i e yumut cha ka sorkar wow embynta lang waroh nadooh ki Hima, ki District Council wa ki tre thaw ha khappood.
U Lambor da ong u wa ka sorkar kawi hadien kawi da lai ki khlem ye u pynbait ya u pood wei da yooluti u wa daw em i yaklam hapyrdi ki montri rangbah ki ar jylla wow chim noh ya i rai wa khaddooh.
Chooh chooh da ong u wa ini i kaam wow yaklam pynbait ya u pood ha ki snem wa dadep da kut ki du ha i kyrdan Chief Secretary khlem ye u wanrah ya iwon iwon i rai wa pura.
