U Chairman ka Mawmluh Cherra Cement Limited (MCCL), u Wailadmiki Shylla da pynsñiaw u wa daw ye u pynkhai im biang ya katai ka karkhana pynmih khyndaw-bilat yong ka sorkar hadien wa ka kynhun Montri da mynjur ki wow ya krehkaam lang wa ki Company namo ka Joint Venture.
I daw wa u Wailad da pynsñiaw u wa ya katai ka karkhana daw khai im biang ko toh neidaw wa da em chwa ko yei tipmit wa i naam wei kawa pynmih leh ya ka khyndaw-bilat kawa bha tam hawa nujor wa kiwi ki Company, deiwa ong wa lada biang i ya pynbait hapyrdi ka sorkar wa kawon kawon ka Company wow ya krehlang wa katai ka karkhana daw lai biang ko chakhmat.
Hawa kylli, da ong u wa i eh em ko neibhah wa hap wow pynsñiawthooh ya waroh kiwa embynta wa ka MCCL, wei da pynrap u wa kamwa man katni, waroh kiwa embynta da mynjur ki neibhah wa ki kwah ki wow pynkhai im biang ya ka MCCL hanla em heini heitai i pynbait.
Kam wow kdaw wa ka kynhun Montri yong ka sorkar MDA da dep mynjur wow pynkhai im biang ya ka Mawmluh Cherra Cement Limited (MCCL) deiwa wanrah ya i rukom krehkaam kawa embynta lang hapyrdi ka sorkar wa ka Company næ Joint Venture.
