Ka Coordination Committee I Khooid I Jngiar Iawmusiang Jowai, kawa kynthup ya kiwa pait wa pynlai yong ka Yaw Chyiap (JPC Market), Yaw Chor (CNI Market) waka Yaw Seiñraij deilang waka Dorbar Tympang Iawmusiang, ynne ka sngi da lai yachem ki wa u Deputy Commissioner ka West Jaiñtia Hills District u Garod LSN Dykes, heiyatoh wa i man i long i jhep wada neh ha kitai ki yaw, neibah da boon tayaw da neh ki khlem em de wa kit li noh neidaw wym yoh thaw.
Neiliang u Chairman kani ka Committee u E. Shylla khana u wa hei yachem yong ki wa u DC da man i i sñiawkmen neibah wa khana u haki wa da dep khut yaklam u ya ki 6 chnong waki seiñbhalang ha chirup i emlang u Urban Minister ka sorkar jylla, u MLA ka Jowai wa i noh jhep wa chipor da pynbait u man chwa ko ha Mynkjai deiwa kyrpaad ki leh ya ki waheh chnong katai ka thaaiñ wow e ki yei yakrehlang.
Chooh chooh ong u wa kam u Chairman ka Committee oo hi leh booh u i kyntu ya kitai ki 6 chnong wow sñiawbha ki u e yei yakrehlang neibynta i myntoi i bha i miat yong waroh lang, kat wym pu ye u pyndep yaka thaw noh jhep wa paka kawa i pynkhreh dang lai i chakhmat katni.
