U DC ka West Jaiñtia Hills District da pynmih hukum u ynne ka sngi yow pynbna pynman Micro Containment Area ya i yung (Building) ka Newly Lyngdoh wa i yung (Building) u Harness Papeng wa haap hapoh ka Dongmihsngi, Jowai neidaw wa em kiwa yoh COVID-19 kamjooh wa em kiwa em hei maa wow yoh ya uni u khñiang yow ye u leh yei booddien, ki Test wa kiwi de yow kdoh u khoom yei poor ka khlam.
Ynne ka jooh ka sngi, u DC da pynmih u leh ya ka hukum wow pynman Micro Containment ya ka Riat Moolain Khlieh Um Sorkar waka Um Sorkar Cluster kiwa haap hapoh ka Ladthadlaboh, Jowai wow man ki kam ki Micro-Containment Area.
Kini ki ar tylli ki thaw u man ki kam ki Micro-Containment Area chisyndon hadooh wa pynmih khubor da kamwi.
Kiwa em hapoh kini ki thaw pynman Containment toh u neh bait ki hapoh yung, kiwa na baar ym toh wow psiah ki khlem da yoh bor.
Ym chah leh wow pynman ya kiwon kiwon ki yalang paidbah wei wow wai ki dukan. Ki yung krehkaam ka sorkar wa ki yong ki bru samen u man ki kiwa khang kiwa em hapoh kini ki thaw.
Ki kari wa lai luti na kini ki thaw ym toh u sangeh ki chiteiñ luti.
U Incident Commander u man u leh kam u Supervising Officer kini ki thaw.
Kani ka hukum ym em khang ko ya ki bru ka chnat i chait i khiah, ki wakreh u DC wa kiwi ki bru sorkar wa leh yei kaam wym hoi u dam namo ki Essential Service wa kynthup lang ya kiwa thoh khubor wa kiwa li booh tadong LPG.
Ya kiwa leh pyrchah daw pynchitom katkam ka aiñ Disaster Management Act, 2005 waka IPC.
