theme-sticky-logo-alt
theme-logo-alt
Advertisement ad1
Advertisement ad1

Da sdang biang ka JMB wow lai khat jhep na Jowai: DC

Advertisement ad1
Advertisement ad1

Hadien wa sahteiñ wei thut i noh-jhep ka Jowai Municipal Board (JMB) na kylleiñ ka Jowai ha kini ki tayaw da sdang sakhi yei lang i jhep ha Iawmusiang wa ha Iawthymme iwa da wanrah ya i sma i tung kamjooh leh i sñiawkhia na ki bor chnong kamjooh leh ki seiñ wa ha rukom. 

Ynne neiliang ka Joint Action Committee wa kynthup ya ka seiñ AJCVA, MPUF, JYF, JSM, HYC, RJTA wa kiwi kiwi da lai yachem ki ya u Deputy Commissioner ka West Jaiñtia Hills ha kamra krehkaam yong oo heiyatoh wa ini heiwa neiliang u DC da pyntikna u wa nadooh myntu hadooh mynstep kamtæ ter ter wow lai thooh biang ka JMB ya i jhep. 

Advertisement ad1

Chooh chooh da kyntu ko wa ki kari wa kit jhep wa toh u tymmoh bha ya ki wei ya ki thaw wow noh-jhep emkaam wow tih da i thlu wei wow kær ya i thaw khnang wow lait i jhep u poi cha luti syngkieñ.

Hawa yaklam wa kiwa pathai khubor, ynne ka sngi u DC ka District, u Garod LSN Dykes da ong u wa ini i eh heiyatoh wa i jhep da sdang i na u Wisu uni u snem heiwa da khang wow noh-jhep ha Mynkajai. 

Da pyntip u leh wa ha kani ka 30 Naiynñiaw da khut ya ki 7 dorbar chnong wa ka KSU chirup wa u montri ka sorkar, u Sniawbhalang Dhar, u MLA ka Jowai, u Wailadmiki Shylla wa u CEM ka JHADC u Thombor Shiwat heiwa da kyntu ya ki dorbar chnong wow pdiang sa chisien wow noh ya i jhep ha Mynkjai katkam ki kyndon wa da booh ka NGT wei hajrong ini ki Dorbar Chnong daw lai ki cha jar jiar ki chnong wow pynsñiawthooh paidbah hajrong ini. 

Chooh chooh da ong u wa ka JMB nadooh ynne ka sngi da sdang lai thooh lai kit ko ya i jhep na kylleiñ ka Jowai heiwa da kyntu u leh ya ki paidbah wymtoh de wow wan noh jhep ki cha ki thaw wa man yaw.  

Share this:
Previous

Da pynkrehkaam ya ka 144 CrPC ha East Jaiñtia wow yakhun ya ka khlam COVID-19

Next

Chah pynman Micro Containment ki thaw wa em hapoh ka Dongmihsngi waka Ladthadlaboh