Ka seiñ Khasi Jaiñtia National Union (KJNU) da maham ko deiwa eh ya kitu ki bru kiwa jooh leh wow pynbood naam yei pyrtuid ka Jaiñtia National Union (JNU) deiwa kam wa ki toh kiwa yahkhmat ka JNU wei da leh ki ya ki kaam yow myntoi yong samen.
Ka seiñ da pynkynmoo ko wa ya JNU da pynkylla pyrtuid nadooh u snem 2015 cha ka KJNU wei hadooh katni dang pynkrehkaam ya ka kam ka KJNU heiwa da yoh ko ya chiboon ki ujor na ki bru wa em kiwa wan hei pyrtuid ka JNU yow paan yarap na kylleiñ ka Ri-loom Jaiñtia deiwa e daw wa daw yarap ki ya kiwa chem chitom.
Kamtæ ka seiñ da ong ko wa lada chem ya kini, ym maap ya ki la kammon kammon leh wei u lai bait chakhmat wow pynchitom katkam ki kyndon yong ka aiñ.
Ka kyrwoh na u President wa ha khlieh dooh ka seiñ KJNU, u N.N. Shadap.
