theme-sticky-logo-alt
theme-logo-alt
Advertisement ad1
Advertisement ad1

COVID-19: La 97.04% kiwa da dep chait ha India iwa heh dooh nadooh wa sdang

Advertisement ad1
Advertisement ad1

Kiwa dang yoh COVID-19 ha India da neh ki hapoh 40,000 ngut la le sngi wa hapoh 50,000 ngut la 43 sngi khlem sangeh iwa da pynku ya kiwa chait leh wow em ki 97.40% iwa heh dooh nadooh wa sdang ka khlam.

Kiwa dang yoh ha kini ki 24 kynta da em ki 35,499 ngut, kiwa dang chait da em ki 39,686 ngut, kiwa dang yap 447 ngut iwa mut wa kiwa dang em ya uni u khñiang da hiar ki da 4,634 ngut.

Advertisement ad1

Ynnin da em 7 tylli ki jylla wa boon da kiwa dang yoh ya kiwa chait kiwa tam boon dooh ha Maharashtra (462) iwa pynbood da ka Tamil Nadu (121), Himachal Pradesh (13) wa ka Gujarat (11).

Ki jylla wa boon dooh kiwa dang chah ktah toh ha Kerala (1,77,091), Maharashtra (74,944), Karnataka (23,956), Tamil Nadu (20,407), Andhra Pradesh (19,949), Assam (11,059), Odisha (10,719), West Bengal (10,485) wa ha Telangana (8,406).

Ki jylla wa duna dooh wa em kiwa dang chah ktah toh ha Andaman & Nicobar Islands (07), Dadra and Nagar Haveli and Daman and Diu (08), Chandigarh (25), Lakshadweep (54), Ladakh (69), Madhya Pradesh (148), Gujarat (207), Jharkhand (211), Rajasthan (237), Bihar (310), Punjab (456), Uttarakhand (463), Delhi (536), Uttar Pradesh (593), Haryana (679) wa ha Puducherry (849).

Ynnin ka sngi da leh 13,71,871 tylli ki Test heiwa kiwa chah ktah da em ki 2.59% kawa tip leh kam ka Positivity Rate kawa da neh hapoh 3% la 14 sngi.

Heiyatoh wa i e tika hapoh ka ri, da dep wow e la 50,86,64,759 sien heiwa ynnin ka sngi da e 16,11,590 sien.

Waroh kiwa da chait da em ki 97.40% kiwa em 3,11,39,457 ngut, kiwa dang chah ktah 1.26% kiwa em 4,02,188 ngut, kiwa yap 1.34% kiwa em 4,28,309 ngut, deilang dapoi 3,19,69,954 ngut kiwa da dep yoh ya uni u khñiang hapoh ka ri.

Share this:
Previous

Hadien palat 3 bnai hiar kiwa dang yoh COVID-19 hapoh 200 ngut ha Meghalaya

Next

Maham ka KJNU ya kiwa chim kabu yei pyrtuid warim ka seiñ