Ka sorkar hadien wa yoh yutip ko deiwa tikna wei da bichaar ko ya i man i long ha ka jylla, khamtam ha nongbah Shillong da chim ko ya i rai wow pynyinsur ya ka Curfew sa 24 kynta ha nongbah Shillong wa i khang Internet sa 24 kynta.
Neiliang u Montri Rangbah ka jylla, u Conrad Kongal Sangma da ong u wa ka sorkar da chim ko ya kani ka rai neibynta wow lait na iwon iwon i jia wa sñiawsih wei wow pynneh pynsah ya i chongsuk hapoh jylla.
Da ong u wa ya ka Curfew da pynyinsur hadooh i step 5 waje ka 18 tarik.
Ki thaw wa krehkaam ka Curfew
- Waroh ki thaw wa em hapoh ka Municipal
- Wroh ki thaw wa em hapoh ka Cantonment
- Waroh ki thaw wa em hapoh ka Mawlai Block wa kynthup ya ki Census Town
- Waroh ki thaw wa haap hapoh ka Mawpat Block wa kynthup ya ki Census Town
- Waroh ki thaw wa em hapoh ka Mylliem Block nadooh Umshyrpi Bridge hadooh 7th Mile, Upper Shillong.
- Madanrting, Mawblei, Laitkor, Nongkseh, Umlyngka, Lawsohtun, Mawdiangdiang, Diengiong, Siejiong.
Hajrong i chah ktah ki khynnah skur kiwa chong Class Online, u Conrad da ong u wa ka sorkar sñiawthooh hi ko ya ini i chah ktah ki khynnah tangwa da leh ya iwa emkaam wow pynneh ya i chongsuk.
