Kam chibynta wow pynkrehkaam ya ki hukum wa iwa da phah ka sorkar yow yada nei ku i poor wa i yabi u khñiang khlam COVID-19 hapoh District, u Deputy Commissioner, West Jaintia Hills da pynbna u ya ki sahep kiwa ksoh kaam heiyatoh wa ini kiwa man kamni ha wah:
Da pyntip u wa neibynta ka Amlarem Civil Sub-Division, u Additional Deputy Commissioner In-charge Amlarem Civil Sub-Division, Amlarem daw pynbait u ya kiwa pait ya kini ki jooh ki kaam.
Da ong leh wa kini ki sahep leh toh u pait ki yei pynkrehkaam ya ka aiñ deiwa ya krehlang wa ki Sector Police Officers wei wow e ya ki Report cha u District Magistrate.
Kini ki sahep toh u pyntikna ki wa waroh kiwa da phah da ka sorkar wa ki bor District da bood ya ki thij deiwa ya ksohkti lang wa ki waheh chnong yow leh ya ka Social Distancing wa i booddien ya kiwa em hei maa (Contact Tracing) katkam ki kyndon wa da pynmih da ka chnat Health and Family Welfare na i por cha i por.
Kamjooh leh ya kiwon kiwon ki kaam wa phah da u District Magistrate.
