Ka Business Advisory Committee ka Meghalaya Assembly ynne da chong yalang ko heiwa ki dkhot da em ki neiliang ka liang synchaar wa ka liang pyrchah ka sorkar wa kynthup ya u Chairman ka Committee u Metbah Lyngdoh wa ki dkhot kitæ u Symbood Montri Rangbah u Prestone Tynsong uwa man leh u Parliamentary Affairs Minister wa uwa yahkhmat ka liang pyrchah u Dr. Mukul Sangma MLA, ka Dr. A. Ampareen Lyngdoh MLA, Balajiedkupar Synrem MLA wa ki sahep.
Ha ini i yachem ynne ka sngi heiyatoh wa i pynman Dorbar Assembly (Autumn Session), da pynbait ya ka tarik yong ka Dorbar kawa daw pynman ha u Naikhynde kawa daw sdang nadooh ka 10 tarik kawa daw khut ha ka 17 tarik u jooh u bnai.
Ha kini ki sngi daw em ka Government Business kiwa ha ka 10 tarik, 14 tarik wa ha ka 17 tarik iwa mut 3 sngi neibynta ki kaam ka sorkar.
Ki Private Member Business won toh ha ka 13 tarik, 15 tarik waka 16 tarik iwa mut wa daw pynman dorbar 6 sngi neidaw wa daw em ka chuti ha ka 10 wa ka 11 tarik kiwa haap ha ka sngi Chohthat waka sngi Bibar.
