Ka JAC Ri Loom Jaiñtia kawa kynthup ya ka AJCVA, MPUF, JYF, HNPF waka RJTA hadien wa yoh ko ya i ujor na kiwa hayung yong kawi ka khynnah kawa dang 15 snem i rta kawa da chah slaitbor ko ha uwi u bru uwa chah pynbaad uwa tip pyrtuit kam u T. Sungoh ha ka 22 tarik uni u bnai. Ka JAC Ri Loom Jaiñtia da lai ko wut wut cha thanat Women Police Station Jowai neibhah wa ini da haap ko hapoh ka aiñ POCSO.
Neiliang ka JAC da yoh ko wow yachem wa ka Officer In-charge ka I. Kharpran kawa pait ya ini i kaam, kawa da pyntip wa da dep wow leh ya iwa emkaam waroh wei wa da dep leh wow lai chakhmat katkam ka aiñ (Register Case), wei da dep leh wow kem ya u Sungoh.
Da pyntip leh wa da dep pynngat ya uwa emkti hapoh ki kyndon Section 506 IPC POCSO 3 (a) 4 wei ki kaam wow pynchah bichaar da lai ko cha chakhmat.
Chooh chooh neiliang ka JAC Ri Loom Jaintia da beiñ joor ko ya u T. Sungoh uwa leh ya ini i kaam pohjait wei ka JAC daw booddien ko ya kani ka kaam hadooh wakut.
