U Montri ka sorkar jylla uwa man leh u MLA ka BJP, u Sanbor Shullai ynne da yachem u ya uMontri Khynnah ka sorkar pyrdi wa pait ya ki kaam yada ri, u Ajay Bhatt heiwa da khana ya i eh i khoo wa chem kiwa chimwai ya ki thaw wa i rukom kheiñ ya ka Standard Table of Rents (STR) ha Shillong Cantonment.
Ha ka dorkhat wa da e ha u Montri ka sorkar pyrdi, u Sanbor da kyrpaad u wow kheiñda ka 0.25 yong ka STR i wow yarap pynduna ya ka bai wai.
Da yaklam leh wow pynkrehkaam noh ya ka Building Bye Laws wei da paan leh wow chna ya ka Top um ha Jhalupara, wei wow pynku kyrdan noh ya ka Goenka Hospital wa ka Shillong Cantonment School heiwa ya i tyrwa wa hajrong kini da phah da ka Shillong Cantonment Board.
Da kyrpaad u leh ya u Montri wow e ya ka NOC ya ki sarok ha Shillong i wow pynduna ya i khynñia kari.
U Sanbor da khana u leh ya i eh i khoo wa chem ki paidbah ka Mawshbuit heiwa i thaw psiah cha kani ka chnong toh lyngba i thaw chipai wei ya ini neiliang u MDC uwa man leh u Chairman ka KHADC, u Pyniaid Sing Syiem da thoh u cha ka chnat yada ri (Defence Ministry) wei da kyrpaad u wow kyrriah noh ya ka Gate khnang wow suk i lai i wan ki paidbah.
