U Montri Rangbah ka jylla u Conrad K Sangma da ong u wa ka sorkar ka ieh ko ha ki bor pynlai hawa yatoh wa i wai ki skur wa ki thaw uiñke suwari hadien wa da pynbna wa da chah wow wai ya ki thaw puræ wei kamjooh leh ya ki thaw uiñke suwari najrong kiwi ki jait kaam nadooh ka 1 tarik uni u bnai.
Hawa jubab hajrong i kwah ki bor pynlai chnong na Sohra wow em da ka khyrdop neibynta kiwa wanke cha ka thaaiñ, u Conrad da ong u wa ki bor chnong ki em ki ya i bor kammon wow leh, wei lada ym pu sñiaw chngaaiñ ki, ye ki wow dang khang chwa ya ki thaw uiñke neibynta chipor.
Ha iwi i liang, u Montri Rangbah da pyntip u wa hadien wa ka sorkar da bichaar bniah ko ya i long i man ha ka jylla na u COVID-19, da em i hiar chiboon kiwa yabi ya u khñiang kjut hawa nujor wa ki tayaw wa da dep, wei ka sorkar da rai ko leh wa daw pynlait chooh chooh ya ki kaam ya kiwa daw pynbna da ki Deputy Commissioner na i por cha i por wei kamjooh ya ki kyndon.
