Kiwa dang yoh COVID-19 ha Meghalaya da hiar biang ki hapoh 200 ngut la arsien ha uni u bnai hadien ka 3 tarik heiwa ynne ka 6 tarik kiwa dang yoh da em ki 123 ngut, kiwa dang chait 253 ngut wei ym em kiwa dang yap.
Ini da mut wa da boon biang da kiwa dang chait hadien ar sngi wei kiwa dang yoh leh da em ki hapoh 300 ngut la 12 sngi khlem sangeh.
Na kiwa dang yoh kiwa boon dooh toh ha East Khasi Hills (93) katwa ha kiwi ki District kiwa dang yoh da em ki hapoh 10 ngut kitæ ha North Garo Hills (00), South Garo Hills (00), South West Garo Hills (00), East Garo Hills (01), South West Khasi Hills (01), West Jaiñtia Hills (03), East Jaiñtia Hills (04), West Garo Hills (04), Ri-Bhoi (08) wa ha West Khasi Hills (09).
Ki District wa duna dooh kiwa dang chah ktah toh ha North Garo Hills (05), South Garo Hills (05) wa ha South West Garo Hills (09).
Waroh kiwa da chait da em ki 95.54% kiwa em 73,711, kiwa dang chah ktah da em ki 2.72% kiwa em 2104 ngut, kiwa yap 1.72%, deilang waroh dapoi 77,144 ngut kiwa da dep yoh ya uni u khñiang hapoh ka jylla.
Heiyatoh wa i e tika hapoh ka jylla, da dep wow e la 13,62,576 sien heiwa ynne ka sngi da e 7628 sien wa kynthup ya ki HCW 44 ngut, ki FLW 536 ngut, kiwa 18 snem chaneiñ 5876 ngut wa kiwa 45 snem chaneiñ 1172 ngut.
Waroh kiwa da yoh tika chisien da em ki 10,36,343 ngut wa 3,26,233 ngut kiwa da yoh la arsien.
Kiwa dang yoh, kiwa dang chait, kiwa dang chah ktah wa kiwi kiwi man ki kamni ha wah: