Kiwa dang chait na u COVID-19 da boon biang ki ya kiwa dang yoh ha India hei sien nyngkong ha uni u bnai deiwa hiar leh kiwa dang yoh ya uni u khñiang hei sien nyngkong ha uni u bnai heiwa na ki 38,948 ngut kiwa dang yoh ynne ka sngi, 26,701 ngut toh kiwa na Kerala.
Ka Kerala ha ka tayaw khaddooh u Naisaphara aw jan man-ka-sngi da em ko palat 30,000 ngut kiwa dang yoh iwa da pynku kylla ya kiwa dang yoh ha India wow em ki palat 40,000 man-ka-sngi iwa da hiar hapoh 40,000 ngut ynne ka sngi.
Ka Maharashtra kawa chah ktah dooh ka jylla ha Maharashtra da ye bha ko wow kdoh u khoom yei poor uni u khñiang heiwa kiwa dang yoh ha kini ki 24 kynta da em ki 4,057ngut.
Kiwa dang chait ha kini ki 24 kynta da em ki 43,903 ngut wa kiwa yap 219 ngut iwa mut wa kiwa dang em ya uni u khñiang da hiar ki da 5,174 ngut.
Ynnin ka sngi ki jylla wa tam da kiwa dang yoh ya kiwa chait da em ki 5 tylli heiwa kiwa dang yoh da tam ki da 275 ngut ha Andhra Pradesh, 35 ngut ha Odisha, 28 ngut ha Meghalaya, 24 ngut ha Puducherry wa 8 ngut ha Madhya Pradesh.
Ki jylla wa boon dooh kiwa dang chah ktah toh ha Kerala (2,48,346), Maharashtra (53,633), Karnataka (17,527), Tamil Nadu (16,282), Andhra Pradesh (15,158), Mizoram (10,538), West Bengal (8,652), Odisha (6,487), Assam (6,346) wa ha Telangana (5,545).
Ki jylla wa duna dooh wa em kiwa dang chah ktah toh ha Dadra and Nagar Haveli and Daman and Diu (02), Andaman & Nicobar Islands (06), Lakshadweep (12), Chandigarh (40), Ladakh (57), Bihar (65), Rajasthan (82), Madhya Pradesh (122), Jharkhand (132), Gujarat (146), Uttar Pradesh (235), Punjab (341), Delhi (351), Chhattisgarh (368), Uttarakhand (389), Haryana (631), Nagaland (736), Goa (900), wa ha Puducherry (961).
Ynnin ka sngi da leh 14,10,649 tylli ki Test heiwa kiwa chah ktah da em ki 2.76% kawa tip leh kam ka Positivity Rate kawa da neh hapoh 5% la 91 sngi.
Heiyatoh wa i e tika hapoh ka ri, da dep wow e la 68,75,41,762 sien heiwa ynnin ka sngi da e 25,23,089 sien.
Waroh kiwa da chait da em ki 97.44% kiwa em 3,21,81,995 ngut, kiwa dang chah ktah 1.23% kiwa em 4,04,874 ngut, kiwa yap 1.33% kiwa em 4,40,752 ngut, deilang dapoi 3,30,27,621 ngut kiwa da dep yoh ya uni u khñiang hapoh ka ri.