U Montri ka chnat Excise ka jylla, u Kyrmen Shylla da ong u wa i pynmih ka sorkar ya ka rai wow chah u pynpoi ya i kiad hadooh ha yung ym mut i wow pynchlur wow dih kiad næ wow yoh dan chiboon tangwa em ki bru kiwa ymye de u ieh ya i kiad wei ka sorkar da rai ko wow pynsuk ya ki heipor wa em ka khlam khamtam ki bru kiwa wot ki Doctor leh hap chah ki wow dih kiad na i man i long i doh i pran yong ki.
Kam wow kdaw heini, u MP na Shillong uwa dang chimkti kam u President ka Meghalaya Pradesh Congress Committee, u Vincent H Pala da beiñ joor u ya ini i rai ka sorkar.
Hawa yaklam wa u Kyrmen ynne ka sngi da ong u wa ym sñiawphær u yei klam u MP neibhah da klam u yeiwa sñiaw u wei ka sorkar da leh ko katkam wa sñiawbiang ko wei katkam ka aiñ.
U Kyrmen da ong u leh wa hanla ka sorkar da rai ko wow pynpoi ya i kiad hadooh ha yung leh da booh ko ya ki kyndon khamtam pyrchah ya kiwa dang khian i rta.
Hawa kylli, u Kyrmen da ong u wa kamwa man katni, ka sorkar da yoh dan ko kamwa T. 200 hadooh T.300 klur ha ka chisnem lyngba ka chnat Excise.
