Ka jylla Meghalaya kat dang mih ki sngi dang paw ko ha ki kaam uiñke suwari heiwa ynne ka sngi u Montri Rangbah ka jylla, u Conrad Sangma da pyntip u wa ka chnong Kongthong, East Khasi Hills kawa tip kam ka Whistling Village, chirup wa ki ar tylli ki chnong ka ri da jied yei pyrtuid yong ki wow yakhun ki ya i naam “Best Tourism Village” wa khut pynman da ka United Nations World Tourism Organisation (UNWTO).
Neiliang ka UNWTO ha uni u snem da khut ko ya ki chnong wow yakhun ya i naam Best Tourism Village hajrong ka thong wow yada wei wow pynneh ya i man kyrpang i rukom im ki bru lyngba ki kaam uiñke suwari.
Ka chnong Kongthong man kyrpang ko heiyatoh wa i rukom khut siñ pyrtuid ya ki bru deiwa riñsur ya i pyrtuid yong ki iwa ye u man hei rukom siaw wow kieh ya i pyrtuid yong ki ya iwa da yah nadooh ki por wa nachwa.
Chooh chooh ya kani ka chnong Kongthong neiliang u MP ka Rajya Sabha, u Rakesh Sinha da tyrwa u leh ya ka UNESCO wow kynthup ya ka ha ka Cultural Heritage yong ka UNESCO.
