U Montri Rangbah ka jylla, u Conrad K Sangma da ong u wa waroh ki MLA hapoh ka sorkar Meghalaya Democratic Alliance (MDA) u yatylli ki yow pynrem yei wanrah ya ka No Confidence Motion da ka liang pyrshah ya u Lamphang ka Yung Dorbar.
Ka kynhun ki MLA hapoh ka MDA da yachem ki ynne i janmiet wow pynkhreh hajrong ki phang yatai hapoh ka Dorbar Synrai kawa daw sdang nadooh ka 10 tarik uni u bnai, khamtam wow pyntikna i yatylli yong ki MLA wa em ha ka sorkar yow pynjop ya ka NC yong ka liang pyrchah.
Hawa klam wa ki laad pathai khubor u Montri Rangbah da ong u wa ka sorkar daw pyntikna ko wa ka No Confidence Motion wa daw wanrah da ka Congress kawa em ha ka liang pyrchah ya u Lamphang, u Metbah Lyngdoh ym ye ko wow yieñ. Da ong u wa waroh ki MLA da pyntikna ki wa ka MDA yatylli ko, tangwa da ong u leh wa dang bichaar leh ya ki kyndon krehkaam kammon wow lai.
U Conrad da pyntip u wa ha ka yalang ki MLA, da yaklam leh hajrong i suk i saaiñ ha ka jylla, i pynkylla ya ka Sixth Schedule wa kiwi kiwi kiwa ki MLA da paan pynche ki.
