Ka Wapung Skur Congress Unit ha ka 10 tarik uni u bnai da lai yachem ko ya u DC ka East Jaiñtia yow dawa su bai lutsan ya kitu ki bru wa da pynemkaam yei thaw yong ki yow pynheh ya u sarok NH-06 wa chna da ka NHAI ha ka thaaiñ Wapung Skur.
Katkam wa pyntip ki manyung kiwa da wan wow ujor cha ka Wapung Skur Congress Unit, da ong ki wa ym pu em yoh ki yei su da iwa biang na ini i pynchna sarok iwa toh u e katkam ka aiñ.
Katkam i yaklam ka Party wa u DC, da kular u wow su ya kitai ki tre thaw heiwa neiliang ka Wapung Skur Congress Unit leh da e lang ko yei pyrtuid yong ki wym pu em yoh ya ka bai thaw.
Ha i lai yachem ya u DC da emlang u President yong ka Wapung Skur Congress Unit, u Khmihbha Phawa deilang wa ka Jhanika Siangshai, President Mahila Congress East Jaiñtia Hills Committee.
