U DC ka West Jaiñtia Hills ha ka kyrwoh wa da phah ynne ka sngi, da ong wa na ki por cha ki por, ki bor District da chem chitom ki wow kyrriah ya kiwa chongdai harood sarok kiwa da chim lut ya ki thaw paidbah ha chnong Jowai wa kynthup ya ki luti lai kjat ki paidbah.
Hajrong ini i leh kiwa chongdai, u DC da ong u wa da pynthut yei lai i wan ki paidbah kamjooh leh ki kari neidaw wa ki paidbah da dooh ki wow pynemkaam ya ka luti lai kjat iwa da wanrah kylla yei khynnia u sarok deiwa lai lang ki bru wa ki kari hadooh wa da em leh i chah tyrrah ki bru wei da thut i lai i wan kyllooid ki kari.
Kamtæ u DC da ong u wa ini i toor kiwa chongdai cha ki thaw paidbah da man ko pyrchah ka aiñ heiwa da chem leh wa ha kini ki thaw, ki paidbah ym em bood ki ya ki kyndon yada COVID-19.
U Deputy Commissioner da pynmih noh u da ka hukum wow phah ya kiwa chongdai pyrchah ya ka aiñ, kiwa tyrwa mar, kiwa pynwit pynthut wow pynlait ki ya ki thaw paidbah kam ki luti lai kjat wa ki sarok nadooh ka 15-09-21.
