15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Lehkmen dap snem ka BAM-JH da i pynsñiawthooh hajrong i tika COVID-19

Advertisement ad1
Advertisement ad1
Advertisement ad1

Ynne ka sngi ka Bouncers Association of Meghalaya (BAM-JH) da pynman ko ya i pynsñiawthooh paidbah hajrong i tika yada COVID-19 (Covishield) wei kamjooh leh da lehkmen ko leh yei dap chi snem pura ka seiñ ya kawa da sdang ha ka 14 Naikhynde 2020.

Ya kani ka pynsñiawthooh paidbah da pynman ha Infinity Conference Hall, Mooralong, Jowai wei ya ka yalang da pynlai da u Forme Bina.

Advertisement ad1
Advertisement ad1

Ha kani ka sngi da yoh ya i batai hajrong i tika yada COVID-19 na ka Dr. Mary Pajat, kawa man kam ka District Educator na ka yung krehkaam u DM&HO, kawa da ong wa kani toh kawa phær dooh na ki jait khlam neibhah wym em de ki khlam kam kani heiwa kani ka khlam ktah ko ym du yei chait i khiah tangwa kani kda ktah ka liang wanang nadooh i lai i wan, i kamai, puræ puthi wot hadooh i rukom mane Blai yong ki bru.

Chooh chooh da ktah ko leh ya i thij i pyrkhat yong ki bru yeiwa da chimkhia da ki bor wa pait ya i chait i khiah.

Ymtip neiyi i daw wa ym wan ki bru chaphrang neibhah wa kani ka tika man sakhiat ko ka laad yada ya ki bru deiwa ong wa ki kyndon dang man kiwa emkaam wow bood ya ki. Neibhah uni u khñiang thymme man u uwa rap khlan bor heiwa ha uni u snem da sakhi wa boon kiwa chah ktah wot kiwa khlaad leh da boon bha ki.

Kamtæ da kyntu ko ya ki paidbah wow wan ki chaphrang wow chim ya i tika.

Ha kani ka sngi da yoh leh i klam na u June Kharbuli uwa man u President ka BAM seiñbei, da pyntip u wa kani ka seiñ toh kawa kdup ya ki bru yalehke Sports kam ka Football, Kickboxing wa kiwi kiwi wow yoh khih yoh kreh ki wow e sonteri ya ki paidbah næ ha ki kaam wyrngia wa ki tamasa.

Neiliang u Traffic In-charge ka Jowai Traffic Police u DB Lamare uwa man u symbood kongsan da e khublei u ya ka seiñ wei da khana u wa da chem u wa ki dkhot ka seiñ da da man ki kiwa emburom bha khamtam ha ini i por wa dadep wa em ka Lockdown.

U DTO ka West Jaiñtia Hills, u E Lyngdoh uwa man kam u kongsan ha kani ka sngi da ong u wa kani ka seiñ man ko kawa rap phær neibhah wa yarap ko wow e khih e kreh ya ki khynroo khyllood. Chooh chooh da khana u ya ka parom wa chem u heiyatoh wa kiwa chah ktah ha u COVID-19.

Kiwi kiwa da klam ha kani ka sngi toh u Yoosar Kynjing uwa man u President ka BAM-JH, u Iahmi Khyriem uwa man kam u Advisor ka seiñ BAM-JH wa kiwi kiwi.

Ha kani ka sngi da pynkup burom ya ki khloor yalehke Kicboxing ka jylla na Ri-loom Jaiñtia kiwa da yoh takma ha ka lympung yalehke Kickboxing wei da e sñiawbha leh ya ki bru wa da jooh embynta wa ka seiñ.

Share this:
Previous

Pyndam ka Congress ya ka No Confidence Motion pyrchah ya u Speaker

Next

Phah kyrriah u DC ya kiwa chongdai ha ki luti lai kjat ha Jowai