Ka yung krehkaam ka District Swachh Bharat Mission (G) East Jaiñtia Hills District, Khliehriat ynnin ka sngi da sdang ya ka Swachhata Hi Seva 2021 ha ka yalang wa pynman Khliehriat West Community Hall, Khliehriat.
Ha kani ka sngi u Dr. R. Pyrtuh Block Development Officer, Saipung C&RD Block da man u kam u kongsan hei emlang ki sahep na ki chnat waphær waphær kam na ka Social Welfare, MeghLAMP Basin Development Unit, East Jaiñtia Hills, Jal Jeevan Mission East Jaiñtia Hills District wa kiwi kiwi.
Ya kani ka yalang ha kani ka sngi da pynlai da ka I. Lyngdoh District IEC Consultant yong ka Swachh Bharat Mission, East Jaiñtia Hills District.
Kam u kongsan ha kani ka sngi u Dr. R. Pyrtuh hei klam da khana u wa ka Swachh Bharat Mission man ko kam kawi na kitæ ki thong krehkaam wa pynkyrsu thiah ya kiwa chong chnong ka ri heiwa da yoh u sakhi ya i kylla ha ki chnong ki thaw heiyatoh wa i khooid i jngiar.
Da ong chooh chooh u wa ha uni u snem ka Swachhta Hi Seva da man ko ka phang pyrdi heiwa ha u ni u snem daw pynman ya i lehkmen ryngkat wa i dap 75 snem ka ri India wa da Tip kam ka Azadi Amrit Mohatsav.
Heijooh i por da pyntip u wa ha ka 15 Naikhynde 2021, ka East Jaiñtia Hills District da ksohkti lang ko wa ka ri hi waroh kawi hei wow yoh u wai pynemwarom ya kani ka Swachhata Hi Seva ya kawa daw pynkut ha ka 02-10-2021 wei ha kini ki sngi daw em boon ki kaam waphær waphær kiwa daw pynman ki ha ki chnong kam ki Village Level Shramdan, ka Swachhata Rath Yatra wa kiwi kiwi.
Ha kani ka sngi da yoh leh i klam na u W. Buam, District Coordinator Swachh, East Jaiñtia Hills heiwa da khana u ya i thmu yong ka sorkar lyngba kani ka Swachhata Hi Seva Programme wow thooh ya ki laad ki luti heiyatoh wow pynduna namo wow pyndam ya i pynemkaam ya ki Single Used Plastic wei lynga ka Swachh Bharat Mission daw booh ko ya ka Plastic Waste Management Unit ha ki Block Level.
Da kyntu u leh ya waroh ki chnong wa kam chibynta ka Azadi Amrit Mohatsav ka sorkar, em ko i thmu wow pyndooh pyndam ya ka i pynemkaam ya ki Single Use Plastic kat kam ki kyndon thymme yong ka Plastic Waste Management Rules 2021 wei da kyntu u ya waroh ki chnong wow e ya ka wyrta hajrong kani ka rai namo ka Resolution ha jar jiar ki chnong yong ki kawa man kam ki sienjam wow ye u pyndooh pyndam ya i pynemkaam ya ki Plastic.
