Da: U Refil Sari, Mukhla Nongrim
Soo samoi wa wan wa lai,
Wa pynphooh pynphieñ soodong yeini pyrthai.
Tlang, pyrem, ly’iur wa synrai,
Ha ki em jar i por i wa kynsai wa janai.
Ki Sim ki doh ki ranem wa ki phlang,
Ha waroh ki soo samoi ya im ki dei sñiawbang.
Sa ki um wa kyn-ood na ki wah ki synrang,
Yei mynsien yong nga wa sñiaw tympang.
U slap wa la’ær haap ki jar jiar i por,
Yei pyrthai da pynphooh ki deiwa kordor.
Ka sngi u bnai wa ki khloor ha bneiñ,
Kini waroh ha ki soo samoi da yieñ.
Yow bru pyrthai da kyrkhu khyrdoh,
Ha waroh ki soo samoi yow biang yow toh.
I baam i dih ha i waroh da biang,
Ha waroh ki soo samoi u Kynrad da booh kyrpang.
E ngooh e dem O ya me A Blai,
Wa da pynphooh pynphieñ sakhiat mi yeini i pyrthai.
I ya atnood bichni kyndat cha jngai,
Yow im suk im saiñ ha waroh ki soo samoi heini ha pyrthai.
