Yow rap boon i yoh poisa ka sorkar chah noh wow booh dei pyrtuid ha ki Number kari: C. Pyngrope

Ynne kawa man ka sngi wa 5 yong ka Dorbar Chna Aiñ ka jylla, u Montri wa pait ya ka chnat Transport, u Sniawbhalang Dhar da khana u wa ka dan wa da yoh ka chnat ha ka jylla lyngba ki DTO wa ka STA nadooh u Wisu (Mar) 2020 hadooh u Wisu 2021 da man ko T. 30,42,81,034. 

Ya ini da ong u hawa jubab yeiwa kylli u MLA ka Mawlai, u Process T Sawkmie. 

Da ong u wa ka dan wa boon dooh wa yoh toh na DTO Shillong heiwa da kynjoh ko T. 12,59,11,000, katwa kawa duna dooh toh na DTO Williamnagar heiwa da man ko du T. 6,89,837, na DTO Jowai man ko T. 4,29,10,378 katwa na DTO Khliehriat won T. 3,35,18,356. 

U Sawkmie da kylli chooh chooh u wa lada ki Bus Rong Soo wa ki Kari Soo hap su dan ki neibhah wa ki leh khrong bai kari ki wei lada man ki ki kari kamai namo ki kari sorkar yeiwa u Sniawbhalang da jubab u wa kini ki kari toh ki kari sorkar. 

Related posts

Pynbna ka NPP ya ka thup wa le ki kyrtong MDC cha ka JHADC

January 15, 2025

Lada ka District Council wiar ko, ka jaitbru leh daw wiar ko: Rikut Parein

January 14, 2025

Hajrong ini u Sawkmie da ong u wa man i iwa doohnong ya ka jylla lada ym chim dan ki na kini ki kari. 

Chooh chooh da kylli u wa lada ka chnat da maap ko ya ka bai dan heipor wa em kani ka khlam COVID-19, yeiwa u Sniawbhalang da ong u wa ya ki kot waroh katkam ki kyndon ka aiñ, ka sorkar da rai ko wow kheiñ ya ki kot wa da yap hapyrdi ini i por wow man ki kam kiwa dang im (Valid) hadooh u Naikhynde 2021. 

Neiliang u MLA ka Nongpoh u Mayralborn Syiem hajrong kani ka phang da kylli u ya ka bai dan wa da yoh na ki Registration Number wa kyrpang wa jied da ki tre kari, yeiwa u Sniawbhalang da ong u wa ya ki Fancy Number em jar jiar i dor jar jiar ki Number.

Hajrong ini i jooh i bynta (Fancy Number), neiliang u MLA ka Nonthymmai, u Charles Pyngrope da kylli u yi mut itæ i Fancy Number, yeiwa u Sniawbhalang da ong u kini ki Number chong hei jied da ki tre yong ki kari hi katkam wa kwah ki.

Heiyatoh wa ini neiliang u Charles da ong u wa boi daw poi i por wa daw lut ki Number katkam wa kwah ki bru, kamtæ ye hi wow booh da ki pyrtuid bru ha ki Number Plate katkam wa da leh cha baar ri, neibhah wa deiwa leh kamni daw ye u kheiñ ya ka dan wa rap heh wei daw yarap ko wow yoh dan chooh ka sorkar lyngba ka chnat.