U Montri ka chnat Transport, u Dasakhiatbha Lamare da ong u wa ya ka Inter State Bus Terminus (ISBT) da yooluti wow pynkrehkaam pura noh ko nadooh u Kmaichonglad (Dec) uni u snem, heiwa da pyntip u wa i kreh wa sah em i sa kattu katni heiwa i kreh wa dadep man ki 98%.
Hawa kylli hajrong i sahteiñ wow pynkrehkaam ya ka ISBT wot hadien wa da wai paidbah ya ka da u Montri ki kaam pohyung ka ri, u Amit Shah ha u Naiynñiaw uni u snem, u Dasakhiat da ong u wa i wympu ye u pynkrehkaam ya ka hadooh katni toh wa dang em ki kaam wa yatoh wa ki kot ki sla wa hap wow pynbait wa ka chnat PWD (Roads), heiwa da pyntip u wa hadien itæ daw ye u khut Tender neibynta ki dukan ki wow em ha kani ka thaw.
Chooh chooh da ong u wa dang chimkhti wot u ya ka chnat Transport wei da ong u wa kamwa man katni ympu em u e ya ka ISBT cha kiwon kiwon ki chnat wow pynkrehkaam tangwa dang em bait ko hapoh ka chnat Transport.
