Ki pulit ka West Garo Hills hei miet ka 21 tarik hadien wa em wa pyntip cha ki, da lai kynreh ki ha ki thaaiñ ka Nimaikata, Koilaghat kiwa haap hapoh ka Pulbari PS heiwa da yoh u kem ya uwi uwa tip kam u Saddiq Ali (41 snem) uwa na Dhubri, Assam.
Na uni da yoh wow kem leh ya 6.770 Kg u bhang na i yung u Fozial Sk heiwa uni u tre yung toh uwa rep bhang ha kpær yung u iwa man leh pyrchah ya ka aiñ.
Neiliang ki pulit da kypraad ki ya ki paidbah wow wan ki chakhmat lada tip ki ya kiwon kiwon kiwa leh ya kam kini ki kaam wa man pyrchah ya ka aiñ heiwa yei pyrtuid yong kiwa pyntip daw murieh.
