Ha i lai beh chnong ki bor District ka Darrang, Assam ha i chnong Gorukhuti ynne ka sngi iwa da wanrah yei yap wa ym duna 2 ngut ki bru paidbah wa ki pulit wym duna ya 8 ngut kiwa mynsoo, da mih leh iwi i Video wa riñ ya uwi uwa chondur uwa da kyrtem, da dat ya uwi u bru wa mynsoo uwa da thiah yap ha khyndaw wei da suba leh toh uwa da khlaad na ini i jia ynne i janmiet.
Ya uni uwa chongdur da tip kam u Bijoy Baniya, heiwa da pyntip da ki pulit toh uwa da yoh ki wow kem oo.
Ha i Video wa da riñ da yoo wa uni uwa chondor da yut u na uwi u bru uwa rah dieñ heiwa ki pulit da siat ki ya uni u bru wei da dat da choh ki leh ya oo heiwa uni uwa chondur hadien ini da wan u wow kyrtem ya uni uwa chah siat uwa da thiah yap.
Hawa pyntip ya ini, u Special DGP GP Singh da ong wa heiyatoh wa iwa jia ha Gorukhuti, Darrang da kem ya uni uwa chondur.
Heiyatoh wa iwa jia ynne ka sngi, u Montri Rangbah ka Assam u Himanta Biswa Sarma da pynbna u da ka Judicial Enquiry.
I lai beh ka sorkar Assam ya kini kiwa chong chnong toh neidaw wa da ong wa kini ki bru da chong chnong ki hei thaw sorkar wei katkam wa ong ka sorkar wa da poi chei siat wei dat lathi ki pulit toh hadien wa chah kawang moo ki.
Puræ leh: Yap ar ngut, mynsoo ki pulit hadien wa mih awri heipor wa chah beh chnong ha Assam
