Hadien kamwa 18 bnai wa da sangeh ki yalehke Sports neidaw ka khlam COVID-19, ka Meghalaya Football Association daw wanrah ko ya 17 tylli ki dhab (Team) ha ka Meghalaya State Futsal League kawa daw pynman nadooh ka 27 tarik uni u bnai.
Ya kani ka lympung daw pynman hadooh ka 2 tarik Naichiphaw ha i thaw yalehke ka Sports Authority of India wa em ha NEHU, Shillong.
Kiwa rah ya kani ka lympung daw yoh ki leh yei thaw ha ka National Futsal League, kawa daw pynman da ka All India Football Federation.
Ha kani ka lympung daw hap bood ya ki kyndon yada COVID-19 katkam wa booh da ka sorkar wa ka AIFF.
