Uwi u damok (Gangster) wa ar ngut kiwi da yap ki ha i yasiat iwa da jia hapoh ka yung bichaar Rohini Court wa em ha North Delhi iwa da wanrah leh yei mynsoo boon ngut hadien wa ar ngut ki bru wa riam kam ki muktiar da sait ki ya uwi wei da chah siat won ki ha ki pulit.
Uwa chah siat ha ki ar ngut toh uwa tip kam u Jitender Gogi (Gangster), wei da suba da siat ya oo da kiwa na kawi won ka Gang wei kini da chah siat won ki ha ki pulit.
U Jitender Gogi toh uwa da naam bha u Gangster uwa da emkti ha kiwa boon ki kaam pyrchah aiñ wei da kset ya oo hapoh Tihar Jail, heiwa ynne ka sngi da wanrah ya oo hakhmat ka yung bichaar tangwa da wan ki dkhot ka “Tillu Gang” cha kani ka yung bichaar kiwa da riam kam ki muktiar kiwa da siat ya oo wei da khlaad u pyn ha ini i thaw wa jia.
U Delhi Police Commissioner da pyntip u wa kini ki arngut da siat nyngkong ki ya u Jitender Gogi hapoh i yung ka yung bichaar heiwa ki pulit won da siat ki ya kini ki arngut wei waroh kiwa yap da em ki le ngut.
